அடையாளம் காணப்பட்ட 18 பேரின் விவரம் அறிவிப்பு

அடையாளம் காணப்பட்ட 18 பேரின் விவரம் அறிவிப்பு

வன்னியில் நேற்று நடந்த சண்டை யில் கொல்லப்பட்டவர்களில் 18 உயர்மட் டத் தலைவர்களின் சடலங்கள் அடையாளம் காணப்பட்டு விட்டதாக பாதுகாப்பு அமைச்சுநேற்றிரவு தெரிவித்தது.

நேற்றைய சண்டையில் விடுதலைப் புலிகளின் தலைவர் வே.பிரபாகரன் உயர்மட்டத் தலைவர்களுடன் கொல்லப்பட்டிருக்கிறார் என்று படையினர் நம்புகின்றனர். சடலங்களை அடையாளம் காணும் பணி தொடர்கின்றது என்றும் பாதுகாப்பு அமைச்சுதனது நேற்றிரவு புதுப்பிக் கப்பட்ட அறிக்கையில் மேலும் தெரிவித்தது.இதுவரை அடையாளம் காணப்பட்ட 18 பேரின் விவரங்களை பாதுகாப்பு அமைச்சுஅந்த அறிக்கையில் வெளியிட்டுள்ளது. விவரம் வருமாறு:

புலனாய்வுத்துறைப் பொறுப்பாளர் பொட்டுஅம்மான்,
இராணுவப் பொறுப்பாளர் பானு, ஜெயம்,
அரசியல்துறைப் பொறுப்பாளர் பி.நடேசன்,
சமாதானச் செயலகப் பொறுப்பாளர் எஸ்.புலித்தேவன்,
விசேட இராணுவப் பிரிவுப் பொறுப்பாளர் ரமேஸ்,
பொலிஸ் பொறுப்பதிகாரி இளங்கோ,
பிரபாகரனின் மகன் சாள்ஸ் அன்ரனி
சுதர்மன் (சாள்ஸ் அன்ரனியின் உதவியாளர்),
தோமஸ் (சிரேஷ்ட தலைவர், புலனாய்வுத்துறை),
சிறிராம் (கடற்புலிகளின் சிரேஷ்ட தலைவர்),
அ.இசையருவி (பெண்கள் இராணுவப் பிரிவுத் தலைவர்),
கபில் அம்மான் (புலனாய்வுப் பிரிவு உதவித் தலைவர்),
அஜந்தி (பெண்கள் பிரிவு பயிற்சித் தலைவர்),
வர்தா (மோட்டார் பிரிவு பொறுப்பாளர்),
புதியவன் (பிரபாகரனின் செயலாளர்),
ஜெனர்தன் (விசேட படைத்தலைவர்)

ஆகியோரின் சடலங்களே அடையாளம் காணப்பட்டுள்ளன என்று பாதுகாப்பு அமைச்சுதெரிவித்துள்ளது.

2009-05-19புலிகளின் தலைவர் பிரபாகரன், புலனாய்வுப் பிரிவுத் தலைவர் பொட்டு அம்மான் ஆகியோர் மரணம் தொடர்பில் விஞ்ஞான ரீதியிலான ஆதாரங்களைச் சமர்ப்பிக்க வேண்டும் என்று இந்திய மத்திய புலனாய்வுப் பணியகம் கோரியுள்ளது.

புலிகளின் தலைவர் பிரபாகரன், பொட்டு அம்மான் உட்பட புலிகளின் முக்கியஸ்தர்கள் கொல்லப்பட்டுள்ளதாக படைத்தரப்பினர் தெரிவித்துள்ளதை அடுத்தே, இந்திய மத்திய புலனாய்வுப் பணியகத்தின் அதிகாரி இவ்வாறு கோரியுள்ளார்.

ராஜீவ் காந்தி கொலை வழக்கின் பிரதான எதிரிகளாக பிரபாகரனும் பொட்டம்மானும் குறிப்பிடப்பட்டுள்ளனர். இவர்கள் இருவரும் மரணித்து விட்டமைக்கு விஞ்ஞான ரீதியில் ஆதாரங்களைச் சமர்ப்பித்தால் நாம் இந்த வழக்கினை முடிவுக்குக் கொண்டு வருவோம் என்றும் அந்த அதிகாரி தெரிவித்துள்ளார்